| "به ناوی خوای گهوره و میهرهبان" | یهکشهممه ٢٠٠٨/٧/٦ |
 |
|
| بهرههمهکان | بابهتی ههفته | پرسیار و وهڵام | ئایهتی ههفته | فهرموودهی ههفته | نۆموسڵمان | زنجیرهیی | ههمهجۆر | خوێنهران | | |
| نوێترین بابهت |
| زۆرترین جار بینراوه |
| سهردان:
١٦٦٠٧ سهرهێڵ: ٣ |
|
داوا له خوێنهرانی بهڕێز دهکهین، بۆ بهرهوپێشبردن و باشترکردنی ماڵپهڕی پێنجوێنی, سهرنج و تێبینی خۆتان سهبارهت بهم خاڵانه بۆمان لێــــره بنووسن:
1. ڕواڵهت (ڕهنگ، فۆنت ... هتد) 2. سهکۆی بابهتهکان، کامیان لاببرێ، چی بۆ زیاد بکرێ سوپاسی پێشوهخت بۆ ههموو لایهک. بهڕێوهبهر |
|
به ناوی بهدیهێنهری بوونهوهر
ماڵپهڕی پێنجوێنی، که تایبهته به نووسینهکانی بهڕێز مامۆستا حهسهن پێنجوێنی، پێ دهنێته پێنجهمین ساڵی تهمهنییهوه.  له ماوهی چوار ساڵی ڕابردوو، وێڕای کهموکوڕی، توانیوێتی بهگوێرهی توانا، نهک له ئاستی پێویست، له خزمهت خوێنهرانی دابێت. بهم بۆنهیهوه پیرۆزبایی له ههموو لایهک دهکهم، وه به پێویستیشی دهزانم داوی بوردن له خوێنهران و بهتایبهتیش جهنابی مامۆستا حهسهن بکهم، لهو ههموو کهموکوڕیانهی بهدرێژایی ههبوونی ئهم ماڵپهڕه، له ماڵپهڕهکهدا ههبوون و ههن. سهرنج و تێنینیهکانی ئێوه، هاوکارییهکی ڕاستهوخۆ بوون و دهبن بۆ ئێمه. بۆیه ههرجۆره پێڕاگهیاندنهوهیهک، جێگای سوپاس و پێزانینه. دڵسۆزتان بهڕێوبهڕ |
|
|
به بۆنهی پێنجهمین ساڵی دروست بوونی ماڵپهڕێ پێنجوێنی، جهنابی مامۆستا حهسهن پێنجوێنی، بهم شێوهیه وڵامی چهند پرسیارێکی داینهوه:
پێنجوێنی پێ دهنێته پێنجهمین ساڵی تهمهنییهوه، بهم بۆنهیهوه پێش وتهتان چییه؟ بهناوی خوا و سوپاس بۆ پهروهردگار و دروود بۆ پێغهممهر وئالوبهیت و هاوهڵانی.  بهم بۆنهوه پێشهكی سوپاسی خوای میهرهبان و باڵادهست دهكهین كه یارمهتی داین بۆ دامهزراندنی ئهم ماڵ پهڕه كه ئهمهش ئاسۆیهكی فراوانی لهبهردهما كردینهوه تا راستهو خۆ له گهڵ دۆستانا پێك بگهینهوهو رووبهروو لهگهڵ خوێنهرانی كورد لهههموو جیهاندا قسه بكهین ههر له ئوسترالیاوه تا كهرتهكانی ئهوروپاو ئهمریكا و ئاسیاو به خودی كوردستانیشهوه، لهم ماوهیهدا خوا به لوتفی خۆی یارمهتی داین تا كۆمهڵێ مهسایلی شهرعی وهك توێژینهوه پێش كهش بكهین، كه خهڵكێكی زۆر تیایانا دۆش داما بوو.. ههروهها زیاتر له سهدو پهنجا پرسیاری شهرعی وهڵامیان دراوهتهوه، بهتایبهت پرسیاری ئهو خوشك وبرا كۆچهرانهی كه له تاراوگهدا دهژین..ههروهها چهندان بابهتی گیانی و رۆح بووژێنهوه، كه زۆرجار گهرِاوم بهسهر سایته ناودار و بێ ناوهكاندا و ههروتارێكم خوێندبێتهوه و خۆمی كردبێته گریان ههڵم بژاردووهو بهتهرجومهكراوی پێشكهشم كردووه.. ههروهها لهكاتێكا كۆمهڵه دهستهو حیزبێك بهشێوهیهكی رێكخراوهیی دهیانهوێ وره به موسوڵمانا بهر بدهن.. سایتی پێنجوێنی زیاتر له ژیانی {40} زاناو هونهرمهند وكهسایهتی ناوداری دیان{مهسیحی}ی پێشكهش كردووه كه پاش توێژینهوهو لێكۆڵینهوه و به بهرچاوروونییهوه موسوڵمان بوون، بۆ وره بهرزكردنهوهی موسوڵمانان و متمانهبوونی زیاتر به راستیهتی ئاینهكهیان.. زیاد له پهرچدانهوهی قسهی ناحهزانی ئیسلام و نزیكهی سهد وتارێك بۆ رهواندنهوهی تهمی گومانی گومانداران.. لهبهرئهوه جێی خۆیهتی سوپاسی خوای لهسهر بكهین ههر چهند لهئاستی خوازراودا نییه بهڵام چاومان بۆ باشتر و زۆرتر دهروانێت.. |
|
|
|
|
|
